PARAAN UPANG ISAGAWA ANG MATAGUMPAY NA PAGLALANDI (PANGALAWANG BAHAGI)

Sa pagsasawagawa ng landi sa mga kababaihang mahirap basahin ang nilalaman ng kaisipan at kilos o ang tinatawag nating mapagpanggap, suplada, pakipot, hard-to-get, o kahit na hindi interesado ay hindi kinakailagang gawin ng lantaran ang pinaplanong AKTO. Tawagin na lamang natin silang KEPS sa mga susunod na talata at artikulo. Tandaan lamang na ang mga KEPS ay hindi masyadong tinatablan ng mga papuri/papuring landi sapagkat para na nila itong pagkain sa araw araw. Hindi lamang ikaw ang lalaki sa mundo na nakakapansin sa nagugustuhang KEPS. Kinakailangan mong gumamit ng mga tao, bagay, o pangyayari upang maisagawa ang kalandian sa mga ito. 

Ang mas swabeng maaaring ikilos sa mga KEPS ay ang pagiging DISCREET at mahinahon. Malaki ang porsyentong matagumpay na makukuha ang inaasam asam na KEPS* kapag nakita nito ang potensyal at karisma ng hindi ipinapahalata. Komplikadong kompronahin ang isang KEPS kapag ito ay nagiisa. Mas madali pa  kung may kasamang ibang mga kaibigang babae na tipong nabanggit natin sa nakaraang artikulo ang isang KEPS. Mas maganda di hamak kung may pambati kang naiisip na magiging interesante para sa isang KEPS, o tila ang pakikipagsalamuha mo sa tao ay maihahambing sa mga ahente ng insurance company na naglipana sa SM at lahat ng mga dumaadaan sa mga hinayupak ay binabati at sinisigawan na parang kapitbahay lamang na iniiimbitahan sa binyag ng kanilang mga anak.

Ang pinakamadaling paraan bago isagawa ang landi kapag nagiisa ang KEPS ay ang sabayan sa kasalukuyang aktibidades na pinagkakaabalahan nito. Halimbawa, kung ang isang KEPS ay namataan sa isang silid-aklatan at ito ay naghahanap ng mababasang pangkaalaman, kung ikaw ay mahilig ding magbasa basa at may alam sa nasabing gawain, ito na ang pagkakataong hinihintay para mai-target at malandi ang isang KEPS. Magtanong ng kanyang opinyon tungkol sa mga bagay bagay na alam mong interesante para sa inyong dalawa, maglahad ng kwento na hindi aantukin ang isang KEPS, dagdagan ng kapirasong mga nakakatawang salita, saka isagawa ang simpleng kalandian. Maging alerto lamang sa mga binibitawang salita at sa kilos (basahin ang mga naunang artikulo tungkol sa pilit na kilos) sapagkat maaaring sumobra at maging katawa tawa ang sarili. Obserbahan ang reaksyon ng KEPS sa mga ikinikilos dahil kadalasan, ang sobrang bilib sa sarili ay nakakaligtaang pansinin ang mga kamaliang naisasagawa. 

Sa mga KEPS naman na may kasamang mga kaibigang babae na katulad ng nasambit sa naunang talata ay kinakailangan ng matinding tiwala,  bilib sa sarili at ilabas ang natural na karisma. Kapag isasagawa ang pakikipaglndian sa grupo ng kababaihan na may kasamang KEPS, iwasang ipalahata sa lahat, lalong lalo na sa KEPS ang tunay na layunin mo. Kinakailangang ilihis ng kaunti sa pamamagitan ng balanseng pakikisalamuha sa  lahat ng myembro ng kanilang paksyon. Wag ituon ang buong atensyon sa KEPS sapagkat maaaring makakahalata na ito sa iyong hitad na inaasam asam at maaaring umiwas din sa kadahilanang ikaw ay may lihim na pinaplanong kanyang napupuna. Kung kakayanin ng sikmura, mas maayong ituon na lamang muna ang pakikipaglandian at pakikipagtawanan sa pinaka-pangit/panget na myembro at mapapansin mo di katagalan, na ang lahat ng atensyon nila ay nakatuon na sa’yo. Hindi naman dapat tinotodo ang paglalandi sa nasabing mala-undin na babae kundi kapiraso lamang din, upang makuha mo lamang ang atensyon ng lahat. Maging maloko ng kaunti at siguraduhing nakakaaliw at nakakatawa ang mga hirit para hindi sila maburyo sa kalokohang ginagawa mo. Kapag napapansin na komportable na ang KEPS na ika’y kumakalantari sa paligid nito ay simulan ng lapitan, kausapin, at landiin  ito dahil ang takdang panahon para isagawa ang mga iyon ay dumating na. Ito ay mangyayari lamang kung hindi ka pa nya nauunahan sa paglapit at pagkausap sa’yo.

Masasabing ikaw ay mapalad at PINAGPALAng hitad kapag nangyari ang nasaad sa naunang pangungusap. Kaya pagaralang mabuti kung papaano mapapabuti ang pakikipagkomunikasyon at pakikisalamuha sa mga tao lalong lalo na sa iba’t ibang klaseng kababaihan. Huwag masyadong ituon ang utak sa kung papaano landiin ang isang KEPS sapagkat ito ay natural na magaganap kung gamay mo na ang mga prerequisite nito.

*KEPS- kay sarap banggitin ng paulit ulit ano po? :D

PARAAN UPANG ISAGAWA ANG MATAGUMPAY NA PAGLALANDI (UNANG BAHAGI)

Marahil may iba sa ating karamihan ang hirap ilabas ang natatangingng kalandian sa ating sistema. Mayroon din naman na natural na lamang lumalabas yun na parang itinalagang ipinanganak para maghasik ng landi sa kamunduhan. Maraming dahilan kung bakit may ilan sa ating ang ganito. Kakulangan ng tiwala sa sarili, nahihiya sa sasabihin ng ibang mga kaibigan, may pinanghahawakang reputasyon na taliwas sa pagsasagawa ng AKTO, pilit na itinatago dahil kasama ang asawa at anak sa mall ngunit kating kati na landiin ang saleslady sa Tribal store, at marami pang iba.  

Ating nasaad na ang ilang bagay na bumabalakid upang maisagawa ang natatanging AKTO at ngayon ay ating babalitaktakin ang isa sa iba’t ibang paraan ng  pagsagawa na makakatulong upang maging matagumpay ang paglalandi. Ang simpleng paglandi . . .

Ang simpleng paglandi ay isa sa makapangyarihang paraan upang mahuli ang kiliti ng isang babae, lalo na kung ito ay tipong pakipot o sadyang hindi pa rin lumalaganap ang kalandian sa sarili. Ito ay mabisa sapagkat ang karamihan sa mga babae ay nahihita sa pamamagitan ng unti unting pagkuha ng loob at tiwala at kung saka sakali mang hindi uubra ang landi powers sa nagugustuhang bebot dahil  hindi ka nito tipo o kasulasulasok talaga ang dating mo dito ay maaaring huminto na sa progresong nakamit na hindi kahiya hiya masyado.

Ilan sa mga paraan ng simpleng paglandi ay ang pagsagawa ng SIMPLENG pagbigkas ng mga bagay na alam mong ikatutuwa at ikararamdam na kagandahan ang tipo mong babae. Sa paraan na ito, kahit anong lebel pa ng kapangitan ng babae ngunit talagang nais mong maging kasintahan o simpleng kasta lamang ang habol ay may tsansa na bibigay at bibigay yan sapagkat hindi nito kadalasang naririnig at hindi rin masyadong nakakatanggap ng ganitong klaseng mga salitang makalaglag salawal. Laging tandaan na dapat SIMPLE ang pagbitaw, dagdagan ng kapirasong katatawanan, at iwasan ang paulit ulit na salitang ginagamit sa pagpuri dahil may posibilidad na tumaas ang ere ng utak at matuto na ring lumandi rin sa iba sapagkat masyado mo nang napaniwala ang deputa na sya na ang nararapat na susunod na top model ni Bambi Fuentes. Mas maayon kung gagawing medyo personal ang pagpuring landi para hindi nito maisip na ganuon din ang tingin sa kanya ng ibang lalaki. Ilang mga halimbawa na maaaring sabihin ay iba ang lakas ng dating nya sayo ,nabighani ka hindi lamang dahil sa laki at tayo ang kanyang mga dede kundi napakaganda at mala anghel ang kanyang mga ngiti, sa pangingin mo ay napakainit ng kanyang dating at tuwing nakikita mo ay gusto mong yapusin ng sampung minuto, at kung anu ano pang napapansing  magandang aspeto na TOTOO patungkol sa babaeng natitipuhan. Iwasan din ang pagsabi ng mga bagay na alam nya sa sarili na kahit sa panaginip ay nuknukan pa rin ng kasinungalingan. Kung alam mong makapal at tila malabalat ng Iguana ang kanyang mga labi dahil naaagnas na ay hindi tamang sabihin na gusto mong matikman ang kanyang  matamis na halik. Malamang sampal ang aabutin mong hinayupak ka.  

Hindi natin isinasaad ang pambobola dito, kumbaga sinosobrahan lang natin ng KAUNTI ang mga bagay na alam nating magandang aspeto ng babae na talaga naming ikatutuwa nya. Huwag ding kalimutang dagdagan ng kaunting katatawanan at matamis na ngiti ang pagbitaw ng mga salita para hindi ka magmukhang tanga. Ang pagsasagawa ng landi ay kinakailangan ng saya at buhay. Iba ang paglalandi sa panliligaw at pambobola kaya iwasang pag-isahin ang mga ito.

Kung ating napapansin, ang mga nasabi sa mga unang talata ay ang ilang mga gabay para landiin ang mga normal at hindi kagandahang mga dilag/may asawa/ hiwalay sa asawa/o walang mga asawa na tipo ng kababaihan. Maaari ring gumana ang mga natalakay sa mga magaganda at kalibog libog na mga kababaihan, depende na lamang sa kanilang lebel ng kalandian. Ating inuna ito sapagkat ito ang pinakaramarami at pinaka-simple sa lahat. Kapag hindi pa umubra ang mga nasabing gabay ay kalimutan mo na ang babaeng yun. Pinupuring landi na nga, mapili pa ang talipandas. Susunod nating tatalakayin ang paglandi naman sa mga mala dyosa na mahirap landiin at maaari pang ikapahiya ng sarili kung isasagawa ang landi ng walang kaalam alam sa larangan at hindi nagabayan ng naaayon sa lebel ng kalandian nito.

Paano ba masisimulan ang ibinibidang KALANDIAN?

Ito ang katanungan ng karamihan sa ating mga lalaki, kadalasan sa mga may pagkukulang  o kawalan ng bilib sa sarili. Mas maayon kung hindi ipipilit ilabas ang natatanging landi kung biktima ka ng nasabing negatibong aspeto. Walang mabuting resulta ang kilos kapag ito ay pilit at malamang mapahiya ka pa hanggang maburat ka na sa iyong sarili.

Siguraduhin muna na poging pogi ang tingin sa sarili at pakiramdam bago isagawa ang AKTO*. Hindi naman kinakailangan magandang lalaki talaga sa paningin ng ibang tao kundi ang pagkamit ng kabuuang tiwala sa sarili. Dito na pumapasok ang mga nasasabi nating “sayang”, “kawawa ka naman teh!”, “answerte ng ulol na boypren  nun”, “pera lang habol nung babae”, at kung anu ano pang kaampalayahan na lumalabas sa bibig nating karamihan kapag nakakakita tayo ng mayumi, maganda, o kalibog libog na binibini na may kasamang malahalimaw na nobyo habang nakasalubong nating naglalakad. 

Marahil may katotohanan yung ibinabanggit ng iba na pera nga lamang talaga ang habol ng hitad na babae ngunit hindi sa lahat ng pagkakataon. Marami akong nakikilala, at nakakasigurado ako na mas marami pa ang hindi ko kilala na ganun ang sistema ng kanilang relasyon. Ikinagulat ko na  ilan sa mga nabanggit na magsing-irog ay ang babae pa ang gumagastos at gumagawa ng paraan upang magkasama, mag-date, at ang pinakamasaklap sa lahat ay magka-daupang ari pa ang mga talipandas na ito. Madalas may mga pagkakataong nangyayari ang mga ganuong bagay sa kadahilanang malakas ang FIGHTING SPIRIT ng pangit/panget* na lalaki, at buo ang tiwala at bilib sa sarili. Yung ibang dahilan eh sadyang trip na lamang ng ibang babae na mag-alaga ng pet na tao. (Hindi kita pinapatamaan dito Mela, pero salamat na rin sa suhestyon lol!)

Kapag pangit/panget kasi ang pakiramdam sa sarili ay maaring mas karimarimarim pa ang magiging impression ng ibang tao lalo na kung isasagawa ang AKTO.  Laging tandaan na wala ng iba pang mas magmamahal at tutulong sa’yo kundi ang sarili mo. Magingat lamang sa sobrang pagmamahal sa sarili sapagkat maaaring maging puro ikaw na lamang ang iyong iniintindi at hindi mo napapansin na unti-unti ka nang nagiging "matikas".  Isagawa ang plano sa swabeng pamamaraan. Maaari ring gumawa ng listahan ng ninanais na makamtan at limitasyon upang maiwasan ang hindi balanseng kilos sa hinaharap.

Pag naisakatuparan na ng tama ang mga nasabing bagay sa mga naunang talata ay malaki ang magiging posibilidad na sumunod na ang natural na swabeng kilos na magbibigay pansin ng ibang tao sa’yo. Dito mo na ngayon isasagawa ang pinakarason kung bakit mo binabasa ang Blog na ito . . .  ANG KALANDIAN MOVEMENT.

*pangit – masagwa ang itsura ngunit kaya pang iimprove

*panget – wala ng kapag-a-pagasa. Ipagdasal na lamang ang itsura sa maykapal (courtesy of "PABORITONG TAO")

*AKTO – Pagsasagawa ng KALANDIAN

BAKIT KAILANGAN NG MGA LALAKI ANG LANDI?

Simple, dahil ang mga babae ay may landi rin, nakatago man o lantaran, lahat yan may landing pinanghahawakan sa sarili. Hindi naman ibig sabihin ng pagninilandi ng lalaki ay yung tipong kendeng kendeng o bakla baklaan. Ang simpleng titigan sabay kapirasong ngiti o isang kindat sa isang babaeng nagugustuhan ay senyales na ng paglalandi.

Karamihan sa mga nakasalamuha kong kababaihan ay mahilig sa ganitong gawain. Kahit gaano pa kamaskulado o katigas ang lalaki ay kinakailangan ding pagbigyan ang hilig ng mga babae pagdating sa paglalandi. Nakakatawa na nakakaawa ang ibang mga lalaki na talagang pinaninindigan ang pagkalalaki nila kuno at talagang ang bisyo ay ang babae pa ang mag-adjust para sa kanila at hindi uso ang FLIRTING STYLE sa kanilang bokabularyo. Tawagin na lamang natin silang “matitikas” para sa mga susunod na pangungusap at talata

Sa maniwala kayo at hindi, ang ganitong klaseng relasyon madalas natataihan sa ulo ang mga “matitikas”. Ang mga kababaihan, kahit syota pa ni Undertaker yan ay naghahanap din ng hitad na gawain sapagkat ganito ang natural na pagkakagawa sa kanila. Umuubra man ang pagiging “matikas” ng mga “matitikas”, ito ay sa kadahilanang astigin ang dating nila, status symbol baga ng mga kababaihan. Ngunit mas malaki ang porsyento na kumakana rin ang mga syota nila sa iba na nakakapagbigay sa kanila ng kilig at nakakapagpuno ng kanilang pang HITAD NA PANTASYA.  

Hindi natin nilalahat ngunit base sa sariling karanasan, gumagana ang panlalaking kalandian sa mga babaeng nabanggit sa huling talata. Basketball player, rider ng motor, executive sa opisina, estudyante, at pati na rin ang mga Big Time Gangster na klase ng “matitikas” ay nakadaupang palad na ng inyong lingkod ang kanilang mga karelasyon. Kung ang dating natin ay simpleng mamamayan lamang na makikita mong naglalakad sa kung san man sa araw araw ay hindi ito nagiging balakid upang makabingwit ng kahit anong klaseng babae, mapa dyosa man ang kagandahan ng karakas at katawan o malademonyo sa kapangitan kung yun ang trip nyo. Basta dapat alamin kung papaano magbitaw ng tamang salita at tamang lebel ng paglandi na nakadepende sa personalidad ng babae kasabay ng swabeng pagdadala sa sarili. 

Kung papano isagawa at isukat ang lebel ng pagninilandi na kakabanggit lamang, ito ay dapat abangan sa mga susunod kong paskil. Magbibigay ako ng mga gabay at palatandaan na MAAARING MAKATULONG sa mga lalaking sabik ihain ang kalandian sa ibang kasarian.

Bating Panimula

Gandang Alon mga chong!!! Malamang maraming magiisip na kabaklaan ang nilalaman nito. Pakibasa na lamang ang DISCLAIMER sa huling parte ng pahina upang maintindihan ng mabuti ang kabuluhan nitong pinagagagawa ko . 

Ang inyong lingkod ay galing sa isang makamundong komunidad na talaga namang naglipana ang mga hayok at mala animal na makamundong pagnanasa ng mga kalalakihan. GMs kung tawagin (Gentle Manyak) ang mga hinayupak na brusko. Duon ay napakarami rin kababaihan. Hindi kompetisyon ang umiikot sa komunidad na yun kundi kapangyarihan ng salapi. Nagkataon lamang na nakikikulit tayo dun at nakikibwiset, at kung minsan nama'y nakakajackpot din pagdating sa mga bebot.


Ang sikreto? Pakikipaglandian. . .

Maraming nagagawa ang paglalandi. Hindi lamang sa pang-akit o pang-“score” ng mga babae ang nagagawa nito sa pang araw araw. Nakakatulong din ito sa paghahanap-buhay, paghahanap ng trabaho, pangungutang sa tindahan, pampalibre sa inuman sa kakilala, at kung saan saan pa kaya huwag binabalewala ang LANDI SKILLS mo. 

Wag asahang purong kaseryosohan ang nilalaman nito dahil ang buhay ay di palaging ganun. Mas maraming madidiskubre tungkol sa sarili kapag pinapalawak ang karanasan sa iba’t ibang bagay at pinagaaralang mabuti ang kaganapan ng nakaraan lalo na sa larangan ng paglalandi. Ang mga ito ay pipilitin nating ilahad lahat sa unti-unting pamamaraan.

Magnilandi, magpakasaya at magpakarami ng parang wala ng bukas na magaganap. Kung meron man, ulit ulitin lamang hanggang sa dumating na ang katapusan ng buhay.  

DISCLAIMER: Hindi ito pambaklaan. Walang nilalaman ang dokumento na nakatalaga para sa mga bakla. Mga tunay na lalaki ang target dito na may potensyal lumandi sa mga tunay na babae ngunit hindi maisagawa sa napakaraming kadahilanan o dili nama'y mga kababaihan na nais makakuha ng ideya kung ano na ang mga nangyayari sa kanila.  

Hindi kami sexist, sadyang walang lugar lamang ang mga silahis at bakla dito kaya wag ilihis ang tunay na kabuluhan.

Hindi rin nito ipino-promote ang pagiging taksil sa asawa, kalaguyo, o sa mismong kalandian. Kaya wag kayong magulo bwahahahahah!!!